༄༅།། མངའ་རིས་ཀྱི་ཁྱད་ལྡན་རིག་གནས་མཚོན་རྟགས--- ཤོན།
ཡོང་ཁུངས། ངེད་དྲ་བ།
སྤེལ་དུས།: ༢༠༡༧ ལོའི་ཟླ་ ༤ ཚེས་ ༥
བགྲེས་སོང་གི་རྣམ་འགྱུར་ཐོག་ནས་ཁོང་གིས་ཤོན་ལ་བཅངས་པའི་བརྩེ་སེམས་མཚོན་གྱི་ཡོད། ཤོན་ལ་བརྩེ་བ་དེ་ལྟར་འཆང་དོན་གང་ཡིན་པའི་སྐོར་འདྲི་སྐབས་བགྲེས་སོང་ཁོང་གིས“བོད་རྙིང་པར་ཞིང་བྲན་ཁྱིམ་ཚང་རེ་ནས་བུ་མོ་རེ་ཤོན་འཁྲབ་པར་གཏོང་དགོས་ཀྱི་ཡོད། སྐབས་དེ་དུས་ང་ཚོའི་ཁྱིམ་ཚང་དབུལ་ཕོངས་དབུལ་རྐྱང་ཡིན། ཤོན་འཁྲབ་པར་བསྐྱོད་ཚེ་ལྟོ་ཆས་བཟའ་ཡས་ཡོད་པས་ཤོན་སྦྱོང་བར་ཕྱིན་པ་ཡིན”ཞེས་བཤད་བྱུང་།
“ཤོན་འཁྲབ་སྐབས་ང་ལ་སློབ་མཁན་གྱིས་སྟངས་སྟབས་འགྲིག་པ་ཡིན་ན་འགྲིག་པ་དང་། མ་འགྲིག་པ་བྱུང་ན་འགྲིག་མིན་འདུག་ཟེར་གྱི་ཡོད།
བགྲེས་སོང་གིས་དགེ་ཕྲུག་ཚོའི་འཁྲབ་སྟོན་ལ་འཁྱུག་ཙམ་བལྟས་རྗེས། འཁར་རྒྱུག་བཞག་ནས་བུ་མོ་ཚོའི་ཁྲོད་དུ་བསྐྱོད་དེ་ཁོང་ཚོ་དང་མཉམ་གཤིབ་ཀྱིས་སྟངས་སྟབས་ལེགས་པོས་ཤོན་འཁྲབ་འགོ་བརྩམས་པ་རེད”
ཤོན་ཐེངས་གཅིག་འཁྲབ་ཚར་རྗེས་བགྲེས་སོང་གིས་སླར་ཡང་གཞོན་ནུ་མ་དེ་ཚོ་དང་མཉམ་དུ་རམ་སྐྱོར་གླུ་གཞས་བཏང་བ་རེད། སྒྱུ་རྩལ་ཚོགས་པའི་ཤོན་གྱི་རམ་སྐྱོར་གླུ་གཞས་ལ་བཟོ་བཅོས་ཅུང་ཟད་བརྒྱབ་ཡོད་རུང་བགྲེས་སོང་གིས་སྲོལ་རྒྱུན་གྱི་གཞས་གདངས་བཞིན་གཏོང་བཞིན་ཡོད་པ་རེད། བགྲེས་སོང་གིས་ངོ་སྤྲོད་བྱས་པར་གཞིགས་ན། ཤོན་ལ་སྣེ་ཁ་13ཡོད་པས་ཤོན་13 ཞེས་ཀྱང་ཟེར་གྱི་ཡོད་པ་དང་། ཁོང་གིས་ཕོ་བྲང་དུ་འཁྲབ་པའི་ཤོན་སྣེ་ཁ་དྲུག་དང་དམངས་ཁྲོད་དུ་འཁྲབ་པའི་ཤོན་སྣེ་ཁ་གསུམ་བཅས་ཁྱོན་སྣེ་ཁ་དགུ་འཁྲབ་ཤེས་ཀྱི་ཡོད་པ་རེད། སྣེ་ཁ་རེ་རེའི་འཁྲབ་སྟངས་འདྲ་གི་མེད་པ་དང་། ཕོ་བྲང་དུ་འཁྲབ་པའི་ཤོན་གྱི་འཁྲབ་སྟངས་དང་མི་གྲངས། རུ་སྒྲིག་སྟངས་བཅས་ཚང་མར་རེ་བ་མཐོ་པོ་ཡོད་པ་དང་དམངས་ཁྲོད་དུ་འཁྲབ་པའི་ཤོན་ལ་རེ་བ་དེ་ཙམ་མཐོ་པོ་མེད་པ་རེད།
མཐོ་ལྡིང་གྲོང་རྡལ་ནས་གུ་གེ་གནའ་ཤུལ་དབར་བར་ཐག་སྤྱི་ལེ་17 ལས་མེད་ན་ཡང་གུ་གེའི་ལྡེབས་རིས་ནས་བགྲེས་སོང་གིས་རྒྱུན་འཛིན་བྱས་པའི་བར་མི་ལོ་སྟོང་གི་བར་ཐག་ཆོད་ཡོད་པ་རེད། མི་རབས་ནས་མི་རབས་བར་གྱི་གནའ་ཤུལ་ལྡེབས་རིས་ཐོག་གི་ཤོན་དེ་གསོན་ཉམས་ལྡན་པའི་སྒོ་ནས་རྒྱུན་གཏན་གྱི་འཚོ་བའི་ནང་འཁྲབ་སྟོན་བྱས་ཡོད་པ་རེད།
“ཕྱོགས་གཅིག་ནས་བཤད་ན་གཞས་དང་ཞབས་བྲོར་དགའ་བ་དང་། ཕྱོགས་གཞན་ཞིག་གི་ཆ་ནས་བཤད་ན་དམངས་ཁྲོད་ཀྱི་ཞབས་བྲོ་འཁྲབ་ནས་འཕེལ་རྒྱས་གཏོང་ཆེད་ཡིན། དང་ཐོག་ཡོང་སྐབས་གཞས་འཁྲབ་རྒྱུ་དེ་ཙམ་མི་ཤེས། ད་ལྟ་འབྱོང་དུ་ཕྱིན་སོང་། སྤྱི་ལོ་2013ལོར་ཧོ་པེ་ཞིང་ཆེན་དང་ཡུན་ནན་ཞིང་ཆེན་སོགས་སུ་དམངས་ཁྲོད་སྒྱུ་རྩལ་གྱི་སློབ་མ་ཚོ་ཤོན་ཁྱབ་བསྒྲགས་བྱེད་པར་བསྐྱོད་པ་རེད”
སྒྱུ་རྩལ་ཚོགས་པའི་འཁྲབ་སྦྱོང་ལ་མཛུབ་ཁྲིད་བྱས་ཚར་ནས་ཁྱིམ་དུ་ལོག་སླེབས་དུས་གྲོང་རྡལ་དེ་གར་ཡོད་པའི་གྲོགས་མོ་བགྲེས་སོང་ཆོས་སྒྲོན་ཁོང་འཚོལ་བར་སླེབས་ཡོད་པ་དང་། ལོ་ན་བརྒྱད་ཅུ་ལྷག་ཙམ་ལ་སླེབས་པའི་གྲོགས་མོ་རྙིང་པ་གཉིས་ཀྱིས་སྔོན་མའི་འདྲ་པར་ལ་བལྟས་ནས་གད་མོ་ཡང་ཡང་བགོད་བཞིན་བགྲེས་སོང་སྒྲོལ་དཀར་གྱིས་གྲོགས་མོ་ཆོས་སྒྲོན་ལ་ཤོན་འཁྲབ་དུས་བརྒྱབ་པའི་འདྲ་པར་རེ་རེ་བཞིན་ལ་འགྲེལ་བཤད་བརྒྱབ་པ་རེད།
ཅི་འཕྲོས་མོལ་འཕྲོས་བྱེད་བཞིན་དུ་བགྲེས་སོང་གིས་ཀྱང་གཞས་བཏང་བ་དང་བགྲེས་སོང་ཆོས་སྒྲོན་གྱིས་གསར་འགོད་པར་ཤབ་ཤུབ་ངང་རྨོ་བོ་སྒྲོལ་དཀར་གྱི་ནང་ལ་ཡོང་རིམ་བཞིན་ཁོང་གིས་རྟག་ཏུ་སྔ་རྒྱུས་ད་རྒྱུས་ཡང་ཡང་ཤོད་ཀྱི་ཡོད་ཅེས་བཤད་པ་རེད།
གུ་གེའི་རྗེས་དྲན་ཞེས་པ་འཁྲབ་བཞིན་པ།
གུ་གེའི་རྗེས་དྲན་ཞེས་པའི་ཟློས་གར་འཁྲབ་གཞུང་དེ་ཁྱོན་ཁག་བཞིར་དབྱེ་ཡོད་པ་དང་དེ་དག་ཁག་སོ་སོར་གནས་རི་དང་གནས་མཆོག་ཞེས་པ་དང་། ཞང་ཞུང་གི་ཉམས་རྒུད་ཞེས་པ། གུ་གེའི་དར་རྒུད་ཞེས་པ། གུ་གེའི་རྗེས་དྲན་ཞེས་པ་བཅས་རེད། དེའི་ནང་ཚོ་སྲིབ་གསུམ་དཀྱིལ་གྱི་ཤོན་དང་བསྟི་ཡག་གི་ཤོན། རྩྭ་མདའི་ཤོན་སོགས་ཞབས་བྲོའི་སྟངས་སྟབས་དང་ཤོན་གྱི་རྔ་རྩལ་སོགས་ནང་དོན་ཚུད་ཡོད།འཁྲབ་གཞུང་དེར་ཁྱོན་འཁྲབ་སྟོན་པ 80མ་ཟིན་ཙམ་ཡོད་པ་དེ་དག་ཚང་མ་མངའ་རིས་ས་ཁུལ་རྩྭ་མདའ་རྫོང་གི་མང་ཚོགས་ཤ་སྟག་རེད།
（བོད་ལྗོངས་ཉིན་རེའི་ཚགས་པར་ཁང་གི་འཕྲིན་སྟེགས་ལས་བཤུས།）