༄༅།། གབ་ཚིག་འགའ།

རི་གསུམ་མགོ་ལ་བྱ་ཞིག་བབས།། 

བྱ་དེའི་ཁོག་པ་བྱུ་རུས་གང་།། 

སླ་ངའི་ནང་དུ་གྲོ་མ་བཙོས་པ།།

སྐྱ་ཀ་ཁྲ་མོ་ཁུང་དུ་འཛུལ་མ༎ 

རྔ་མདའ་ལེབ་མོས་སྒོ་གཅོད་མ།།　　

གབ་ལན།  མིག

སྔོན་པོ་ཐང་གི་ཐང་དཀྱིལ་ན།། 

གསེར་གྱི་ཟོར་བ་ཡུ་མེད་ཅིག།　　　

གབ་ལན།    ཟླ་བ 

ཟས་དཀར་པོ་ནང་གི་ཟས་ཞེམ་པོ།།　　

གབ་ལན།  རྐང་།

མི་གཅིག་སྐེ་རགས་བརྒྱ་ཡིས་བཏགས།།　　

གབ་ལན། དར་ལྕོག 

མི་བརྒྱས་སྐ་རགས་གཅིག་བཅིངས།།　　

གབ་ལན།  སྡུད་མ།

ཟ་ཡས་རྩྭ་དང་འཇོ་ཡས་ནོར།། 

ནོར་དེས་མི་ལ་འཚོ་བཅུད་སྦྱིན།། 

ཚང་མས་ནོར་དེར་དགའ་པོ་བྱེད།། 

སྦྱིན་པོ་དེ་ནི་སུ་ཞིག་གམ།།　　

གབ་ལན།  ནོར། 

ཡ་མཚན་ཆེ་བའི་རྨོན་མཛོ་ཞིག། 

གཟན་ཆག་མི་ཟ་གང་སར་རྒྱུག། 

ཐག་པ་གཉའ་ཤིང་འདོགས་མི་དགོས།། 

ལས་ཀ་བྱེད་སྐབས་ལྡིར་ལྡིར་སྒྲོག།         

གབ་ལན། འདྲུད་འཐེན་འཁོར་ལོ།།

ཆུ་ཡིས་མཐོང་ན་གཉེར་མ་འདུ།། 

ལྗོན་པས་མཐོང་ན་མགོ་བོ་དཀྲུག ། 

པད་མས་མཐོང་ན་མགོ་བོ་སྒུར།། 

སྤྲིན་པས་མཐོང་ན་གཡོལ་ནས་འགྲོ།      

གབ་ལན།  རླུང་།