༄༅།།ཐོལ་བྱུང་གི་གླུ།

དགའ་བ་ལ།

ལས་དང་སྨོན་ལམ་བཟང་པོས་གཞི་བཟུང་ཞིང་། །

མི་ལུས་རིན་ཆེན་ཐོབ་པས་གྲོགས་བྱས་ཏེ། །

ཕ་མ་མིག་རྒྱང་རིང་པོས་མཚམས་སྦྱར་བས། །

ཀུན་ཀྱང་ཤེས་རིག་སྦྱོང་འདི་དགའ་བ་ལ། །

སྐྱིད་པ་ལ།

ཉེས་མེད་རི་དྭགས་ཕ་མ་བུ་གསུམ་པོ། །

བདག་མེད་རྩྭ་ཆུར་ཅི་དགར་རོལ་བ་ལ། །

འཆོར་མེད་མེ་མདའི་རྒྱོབ་གསོད་མེད་པ་ཡིས། །

འཚེ་མེད་ཞི་བདེས་འཚོ་འདི་སྐྱིད་པ་ལ། །

སེམས།

ཚོད་མེད་གཞན་རྗེས་འབྲངས་པ་དར་སོ་དང་། །

རང་སེམས་རང་གིས་གསོ་བ་སྟེར་བཟོ་སྟེ། །

བློ་གཏད་ཚོན་ལ་བཅོལ་ནས་མཛེས་བཟོ་བྱེད། །

དོན་དུ་མི་བཟོ་དགུ་བཟོ་སེམས་ཀྱིས་བཟོ། །