༄༅།།བོད་ཀྱི་སྲོལ་རྒྱུན་རི་མོ་ལས་བཀྲ་ཤིས་རྫས་བརྒྱད་ཀྱི་མཚོན་དོན་སྐོར་བཤད་པ།

མེ་ལོང་ནི་ལུས་ཅན་ཐམས་ཅད་རྒྱལ་བའི་ཡེ་ཤེས་སྒྲིབ་བྲལ་མངོན་འགྱུར་གྱིས་རྣམ་དག་ཆོས་ལ་ཐོགས་མེད་ལོངས་སྤྱོད་པའི་བཀྲ་ཤིས་རྫས་སུ་བྱིན་གྱིས་བརླབས་པའི་དོན་ལ་འཇུག་པ་དང་།གི་ཝང་ནི་ཉོན་མོངས་ཟུག་ངུའི་ནད་དང་སྡུག་བསྔལ་དག་པའི་སྨན་མཆོག་ཆོས་ཉིད་ཀྱི་དོན་རབ་ཏུ་རྟོགས་པར་འཇུག་པ། ཞོ་ནི་དུག་གསུམ་ཞི་ཞིང་སྙིང་པོ་རྣམ་དག་ཡེ་ཤེས་མཆོག་རབ་རྟོགས་པར་འཇུག་པ།རྩྭ་དུར་བ་ནི་ཉོན་མོངས་སྐྱེ་ཤེའི་རྒྱུན་ཆད་པའི་རྡོ་རྗེ་སེམས་པའི་ཚེ་སྟེ། འཆི་མེད་ཐོབ་པར་འཇུག་པ། ཤིང་ཏོག་བིལ་བ་ནི་འཇིག་རྟེན་ལས་འདས་པའི་བྱང་ཆེན་སྤྱོད་པའི་རྒྱུ་རྐྱེན་རྣམ་པར་དག་པའི་འབྲས་བུར་སངས་རྒྱས་ཀྱི་གོ་འཕང་མངོན་འགྱུར་གྱི་དོན་ཀུན་འགྲུབ་པར་འཇུག་པ།དུང་དཀར་གཡས་འཁྱིལ་ནི་ཐེག་གསུམ་ཆོས་འཁོར་གང་འདུས་མ་ནོར་བ་ཡོངས་སུ་སྟོན་པར་འཇུག་པ། ལི་ཁྲི་ནི་སྲིད་གཞིའི་དཔལ་འབྱོར་ཀུན་ལ་ཆོས་ཀྱི་རྒྱལ་སྲིད་ཆེན་པོས་དབང་བསྒྱུར་བར་འཇུག་པ། ཡུངས་དཀར་ནི་བདུད་བགེགས་བར་ཆད་མཐའ་དག་གི་གཡུལ་ལས་རྒྱལ་བའི་སྟོབས་ལ་དབང་འབྱོར་བའི་བཀྲ་ཤིས་རྫས་ལ་འཇུག་པ་བཅས་སོ།།