བོད་ཀྱི་ཁང་པ་དག་ནི་ས་རྡོ་ཤིང་གསུམ་གྱིས་གྲུབ་པ་ཤ་སྟག་ཡིན། གྱང་རྡུང་བའི་ཐོག་མར་གྱང་གི་རྨང་གཞི་བརྟན་པོ་ཞིག་འཛུགས་དགོས་ལ། ཁང་པ་རྒྱག་ཡུལ་གྱི་ས་དཔྱད་དང་ས་ཆོག  སྐར་འཛིན་སོགས་སྔོན་དུ་སོང་ནས་ཁང་པ་ཆེ་ཆུང་ཇི་ལྟར་འདོད་པའི་ས་ཐིག་ལེགས་པར་བཏབ་པ་ནས་རྨང་གཞི་སོགས་བཏིང་ནས་གྱང་བརྡུང་བ་སོགས་བྱེད་པ་ཡིན་མོད། ཁང་པའི་སྐོར་གྱི་རིག་གནས་མང་པོ་ཞིག་ཀྱང་ཉམས་རྒུད་དུ་འགྲོ་བཞིན་ཡོད་པས་ན། གཤམ་ནས་ཁང་པའི་སྐོར་གྱི་ཤེས་བྱ་རེ་འགའ་པར་རིས་ལམ་ནས་སྟོན་པར་བྱ།

         བོད་ཁང་གི་ཕྱི་ཁོག་གཙོ་བོ་རྡོ་རྩིག་དང་གྱང་གཉིས་ཏེ། གྱང་རྡུང་བའི་ཐོག་མར་གྱང་གི་རྨང་གཞི་བརྟན་པོ་ཞིག་འཛུགས་དགོས་ཤིང་། གལ་ཏེ་རྨང་གཞི་བརྟན་པོ་ཞིག་མེད་ན། གྱང་གི་སྤུས་ཀ་སོགས་ལ་ཅི་ཙམ་གཟབ་ཀྱང་མཐར་ཐུག་གི་བརྟན་རླིང་ཞིག་མི་འོང་།